புதுக்கோட்டை மாவட்டம், ஆதனக்கோட்டை அருகே உள்ள கணபதிபுரம் கிராமத்தில் இருந்து தொண்டைமான்ஊரணி விளக்கு சாலை வரை உள்ள 2 கிலோ மீட்டர் சிதிலமடைந்த சாலையினை புதிய தார் சாலையாக அமைத்து, 2 ஆண்டுகளே ஆன நிலையில் தற்போது பல்வேறு இடங்களில் குண்டும், குழியுமாக காணப்படுகிறது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.