கூடலூரில் இருந்து கேரள மாநிலம் வயநாடுக்கு செல்லும் சாலையில் தேவர்சோலை பஜார் உள்ளது. இங்கு சாலையின் இருபுறமும் தனியார் வாகனங்கள் தாறுமாறாக நிறுத்தப்படுகிறது. இதனால் பஸ்கள் உள்பட இரு மாநிலங்களுக்கு இடையே இயக்கப்படும் வாகனங்கள் செல்ல முடியாமல் போக்குவரத்துக்கு இடையூறு ஏற்படுகிறது. காலை மற்றும் மாலை வேளையில் போக்குவரத்து பாதிக்கப்பட்டு பள்ளிக்கூட மாணவ-மாணவிகள் உள்பட பல்வேறு தரப்பினரும் அவதி அடைந்து வருகின்றனர். எனவே போலீசார் சாலையோரம் வாகனங்கள் நிறுத்துவோர் மீது நடவடிக்கை எடுக்க வேண்டும்.