கோத்தகிரி தாசில்தார் அலுவலகத்தில் கடந்த சில மாதங்களுக்கு முன்பு லஞ்ச ஒழிப்புத்துறையினர் சோதனை மேற்கொண்டனர். அதன்பிறகு அங்கு இடைத்தரகர்கள் தொல்லை குறைந்து காணப்பட்டது. தற்போது மீண்டும் இடைத்தரகர்கள் தொல்லை அதிகரித்து வருகிறது. இதனால் அங்கு வந்து செல்லும் பொதுமக்கள் பல்வேறு இன்னல்களுக்கு ஆளாகின்றனர். எனவே தாசில்தார் அலுவலகத்தில் இடைத்தரகர்கள் தொல்லையை கட்டுப்படுத்த சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.