புதுக்கோட்டை மாவட்டம், கோட்டைப்பட்டினம் பகுதியில் சாலையில் அதிகளவில் தெருநாய்கள் சுற்றித்திரிகின்றன. இவை இப்பகுதியில் உள்ள சாலையில் செல்லும் வாகன ஓட்டிகளையும், குழந்தைகளையும் கடிக்க துரத்துகின்றன. இதனால் இப்பகுதி மக்கள் பெரிதும் அச்சத்தில் உள்ளனர். மேலும் நாய்கள் ஒன்றுடன் ஒன்று சண்டையிட்டுக்கொண்டு திடீரென சாலையின் குறுக்கே ஓடுவதினால் விபத்து ஏற்பட்டு வருகிறது. மேலும் இப்பகுதியில் உள்ள கால்நடைகளை கடித்து வருகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.