புதுக்கோட்டை மாவட்டம், காரையூர் அருகே சடையம்பட்டி உள்ளது. சடையம்பட்டி சுற்றுவட்டார கிராமமான மறவாமதுரை, சங்கம்பட்டி, சொரியம்பட்டி, உடையாம்பட்டி, படுதினிப்பட்டி, ஈச்சம்பட்டி, கங்காணிப்பட்டி, பல்லவயல் என பல்வேறு பகுதி பொதுமக்கள் உடல் நிலை சரி இல்லை என்றால் 10 கிலோ மீட்டர் தொலைவில் உள்ள காரையூர் அரசு ஆரம்ப சுகாதார நிலையத்துக்கு தான் செல்ல வேண்டி உள்ளது. மேலும் பஸ் வசதிகளும் சரி வர கிடையாது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே பொது மக்கள் நலன் கருதி சடையம்பட்டியில் ஆரம்ப சுகாதார நிலையம் அமைக்க சமந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.