புதுக்கோட்டை மாவட்டம், கீரமங்கலம் அருகில் உள்ள கொத்தமங்கலம் சுண்டாங்கிவலசை பகுதியில் செயல்பட்டுவரும் அங்கன்வாடி மையத்தில் சுமார் 20 குழந்தைகள் படிக்கின்றனர். இந்த அங்கன்வாடி மையத்திற்குள் செல்ல குழந்தைகளின் வசதிக்காக சாய்தளமாக ஏறும் பாதை அமைக்கப்பட்டுள்ளது. இந்த சாய்தள சிமெண்டு பாதை தண்ணீரால் அறிக்கப்பட்டு உடைந்து ஆபத்தான நிலையில் உள்ளதால் அதில் குழந்தைகள் ஏறும் போது மேலும் உடைந்து விழுந்தால் பாதிப்பு ஏற்படும் நிலை உள்ளது. மிகவும் ஆபத்தான நிலையில் உள்ள இந்த சாய்தள பாதையை சரிசெய்ய சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.