புதுக்கோட்டை மாவட்டம், கறம்பக்குடி அருகே உள்ள துவார் ஊராட்சி பகுதியில் தெரு நாய்கள் தொல்லை நாளுக்கு நாள் அதிகரித்து வருகிறது. கூட்டம் கூட்டமாக சாலைகளில் சுற்றித்திரியும் நாய்கள், ஆடு, மாடுகளை கடித்து விடுகின்றன. சில நாய்கள் வெறிகொண்டு அலைவதால் மக்கள் பெரும் அச்சத்தில் உள்ளனர். இந்த வெறிநாய்கள் கடித்து ஆடுகள் இறந்துள்ளன. நாய்கள் தொல்லையால் அடிக்கடி விபத்துக்களும் ஏற்படுகின்றன. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.