புதுக்கோட்டை மாவட்டம், கறம்பக்குடி அருகே உள்ள பொன்னன்விடுதியில் அரசு தொடக்கப்பள்ளி உள்ளது. இங்கு 100-க்கும் மேற்பட்ட மாணவ-மாணவிகள் படித்து வருகின்றனர். சுமார் 20 ஆண்டுகளுக்கு முயன்பு கட்டப்பட்ட இந்த பள்ளி கட்டிடம் மிகவும் பழுதடைந்துள்ளது. கட்டிடத்தின் முகப்பு பகுதியில் சிமெண்டு பூச்சுகள் பெயர்ந்து விழுந்துள்ளன. ஒரு வகுப்பறையை பயன்படுத்த முடியவில்லை. இதனால் மாணவர்கள் சிரமப்படுகின்றனர். குழந்தைகளை பள்ளிக்கு அனுப்ப பெற்றோர்கள் அச்சமடைந்துள்ளனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுத்து பள்ளி கட்டிடத்தை சீரமைக்க வேண்டும் என கேட்டுக்கொள்கிறோம்.