புதுக்கோட்டை மாவட்டம், ஆலங்குடி தாலுகா வடகாடு அருகே உள்ள அணவயல் தடியமனை பகுதியில் அமைந்துள்ள ரேஷன் கடை கட்டிடம் சிதிலமடைந்து ஆபத்தான நிலையில் உள்ளது. மழைக்காலத்தில் மழை நீர் கசிந்து வருவதால் உள்ளேயுள்ள பொருட்கள் சேதமடைந்து வருவதால் கட்டிடத்தின் மீது தார்பாயை கொண்டு மூடி வைத்துள்ளனர். எனவே பொதுமக்கள் நடமாட்டத்தின்போது இந்த ரேஷன் கடை கட்டிடம் இடிந்து விழுந்தால் உயிரிழப்பு ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.