கோத்தகிரி சோலூர்மட்டம் அருகே உள்ள அம்பேத்கர் நகரில் 40 குடும்பத்தினர் வசித்து வருகின்றனர். ஆனால் இந்த கிராமத்திற்கு இதுவரை சாலை வசதி இல்லை. எனவே அவசர தேவைகளுக்கு ஆம்புலன்ஸ் கூட வர முடியாத சூழ்நிலை உள்ளது. இதனால் அந்த பகுதி மக்கள் கடும் சிரமங்களை சந்தித்து வருகின்றனர். மழைக்காலத்தில் அவர்கள் படும் பாடு திண்டாட்டமாக உள்ளது. எனவே இந்த கிராமத்திற்கு சாலை வசதி ஏற்படுத்தி தர அதிகாரிகள் நடவடிக்கை எடுக்க வேண்டும்.