புதுக்கோட்டை மாவட்டம், கீரமங்கலம் அருகில் உள்ள செரியலூர் இனாம் கிராமத்தில் வானொலி மன்றத்திலிருந்து ரேசன் கடை, கிராம நிர்வாக அலுவலர் அலுவலகம், அரசு பள்ளிகள், கடைவீதி செல்லும் தார்ச்சாலை உடைந்து பல ஆண்டுகளாக மராமத்து செய்யப்படாத நிலையில் சில இடங்களில் சாலையோர வடிகால் வாய்க்காலில் தென்னை மட்டைகளை கொட்டி போக்குவரத்திற்கு இடையூறாக உள்ளது. 100 நாள் வேலை திட்டத்தில் கூட அந்த பகுதி வடிகால் வாய்க்கால் சுத்தம் செய்யப்படாமல் மேலும் மேலும் தென்னை மட்டைகள் கொட்டி வாய்க்கால் தூர்ந்து மட்டைகள் சாலையை அடைக்கிறது. இதனால் விஷப் பாம்புகள் ஏராளம் மட்டைகள் கிடக்கும் வடிகால் வாய்க்காலில் வெளிப்படுவதால் பொதுமக்களும் அச்சத்துடன் சென்று வருகின்றனர். பெரும் அசம்பாவிதங்கள் நடக்கும் முன்பு இந்த சாலையோர வடிகால் வாய்க்காலை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.