மயிலாடுதுறை மாவட்டம், குத்தாலம் ஒன்றியம், பாடகச்சேரி பகுதியில் மின்கம்பங்கள் உள்ளன. இந்த மின்கம்பங்கள் உரிய பராமரிப்பின்றி சேதமடைந்து காணப்படுகிறது. சிமெண்டு காரைகள் பெயர்ந்து அதில் உள்ள கம்பிகள் வெளியே தெரியும் வகையில் உள்ளது. சிறு காற்று வீசினாலும், சாயும் வகையில் ஆபத்தான நிலையில் உள்ளது. இதனால் அந்த வழியாக செல்வோர் மிகுந்த அச்சத்துடன் சென்று வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து மின்கம்பத்தை சீரமைக்கவேண்டும்.